Zafar Hayitov Soatovich (1985) haqida

1985 yil 13 iyulda Surxondaryo viloyati, Oltinsoy tumanida tug‘ilgan. 2003 yil umumiy o‘rta ta’lim maktabini bitirgan. 2003-2007 yillarda Abdulla Qodiriy nomidagi Toshkent davlat madaniyat instituti (hozirgi O‘zbekiston davlat san’at va madaniyat instituti)da bakalavr, 2007-2009 yillarda magistratura bosqichlarini tugatib, oliy ma’lumot oldi. 2010 yildan Toshkent Madaniyat kolleji "Folklor san’ati" kafedrasida konsertmestr sifatida ish faoliyatini boshlab, 2011-2018 yillarda Toshkent madaniyat kolleji "Folklor san’ati" kafedrasi o‘qituvchisi sifatida faoliyat yuritgan. 

               Shu bilan birga, kollejda o‘tkaziladigan bayram tadbirlarida, konsertlarda yangroq, sozi, jarangdor ovozi bilan dillarni xushnud etib kelgan.2018-2019 yil O‘zbekiston davlat san’at va madaniyat instituti "Folklor va etnografiya" kafedrasi o‘qituvchisi sifatida faoliyat olib borganlar.

               Hozirgi ish faoliyati Yunus Rajabiy nomidagi o‘zbek milliy musiqa san’at institutida Doston ijrochilik kafedrasi mudiri lavozimida o‘z ijodiy ishlarini olib bormoqdalar.